3 गुणांनी हुकलं यश, पण हार मानली नाही! आयुक्तांच्या ड्रायव्हरची मुलगी झाली CA

यशाच्या मार्गावर अनेकदा अपयश आणि निराशा येते, पण त्यावर मात करून पुढे जाणारेच खरे विजेते ठरतात. अशीच काहीशी कहाणी आहे भिवंडीतील गायत्री घोडे या विद्यार्थिनीची. पहिल्या प्रयत्नात फक्त तीन गुणांनी चार्टर्ड अकाउंटंट होण्याची संधी हुकली, तरी हार न मानता तिने दुसऱ्या प्रयत्नात हे कठीण आव्हान यशस्वीरित्या पूर्ण केले. विशेष म्हणजे, गायत्रीचे वडील चंद्रशेखर घोडे हे भिवंडी-निजामपूर महापालिकेच्या आयुक्तांकडे कार चालक म्हणून काम करतात. त्यामुळे तिच्या या यशाने अनेकांना प्रेरणा दिली आहे.