Success Story: शिक्षण नववी, बँक बॅलन्स मात्र लाखांत! कामगाराने शोधला सक्सेस मंत्रा

सोलापूर: भारत हा कृषी प्रधान देश आहे. आजही आपल्या देशाच्या अर्थव्यवस्थेमध्ये शेती क्षेत्राचं सर्वात जास्त योगदान आहे. असं असूनही शेती क्षेत्राला आर्थिकदृष्ट्या स्थिर समजलं जात नाही. त्यामुळे अनेक शेतकरी आता आधुनिकतेची कास धरताना दिसत आहेत. अनेक शेतकऱ्यांनी शेतीला पूरक असणारे व्यवसाय सुरू केले आहेत. सोलापूर जिल्ह्यातील दारफळ (बीबी) या गावातील समाधान साठे यांचा देखील अशाच लोकांमध्ये समावेश होतो. साठे यांनी शिक्षण कमी असूनही फक्त अनुभवाच्या जोरावर नर्सरी उभारली आहे. या नर्सरीतून ते वर्षाला लाखो रुपयांचं उत्पन्न मिळवत आहेत.