Success Story: मेणबत्तीच्या उजेडानं उजळलं नशीब! घरात राहून शोभना महिन्याला कमावतात 20 हजार

तमिळनाडूतील एका छोट्याशा गावात राहणाऱ्या शोभना सिल्वा कुमार यांची ही गोष्ट कोणत्याही चित्रपटाच्या कथेपेक्षा कमी नाही. वयाच्या अवघ्या १८ व्या वर्षी डोक्यावर अक्षता पडल्या आणि शोभना यांचा संसार सुरू झाला. पती शेतकरी, पण शेतीतून मिळणारे उत्पन्न इतके तुटपुंजे होते की घराचा गाडा ओढताना मोठी ओढाताण व्हायची. गरिबी पाचवीलाच पुजलेली, पण शोभना यांनी केवळ नशिबावर हात ठेवून बसण्यापेक्षा आपल्या कष्टाने नशीब बदलायचं ठरवलं. संसाराला हातभार लावण्यासाठी त्यांनी हातात शस्त्र म्हणून घेतला तो त्यांचा एक जुना मोबाईल फोन. या जुन्या फोनच्या मदतीने त्यांनी छोटे छोटे व्हिडीओ बनवण्यास सुरुवात केली आणि इथूनच एका नव्या प्रवासाची नांदी झाली.