WhatsAppवर फक्त चॅटिंग-कॉलिंग नाही, आता ड्रायव्हिंग लायसेन्ससाठीही करु शकाल अप्लाय

मुंबई : ड्रायव्हिंग लायसन्स मिळवणे असो किंवा लग्नाचे प्रमाणपत्र, आता तुम्हाला कुठेही जाण्याची गरज भासणार नाही. ही सर्व कामे तुम्ही व्हाट्सअ‍ॅपद्वारे घरबसल्या करू शकाल. खरंतर, दिल्ली सरकार एका नवीन उपक्रमावर काम करत आहे, ज्याअंतर्गत लोक घरबसल्या विवाह प्रमाणपत्र आणि सरकारी सेवांशी संबंधित सर्व कागदपत्रांसाठी अर्ज करू शकतील. या उपक्रमाला व्हाट्सअ‍ॅप गव्हर्नन्स असे नाव देण्यात आले आहे. ही सेवा सुरू झाल्यानंतर, लोकांना सरकारी कामासाठी कोणताही त्रास सहन करावा लागणार नाही किंवा त्यांना लांब रांगेत थांबावे लागणार नाही.