गुजरातमधील महिलेच्या डोळ्यांच्या पापणीत तब्बल 250 उवा, डॉक्टरही हादरले

गुजरात : अमरेली जिल्ह्यातील सावरकुंडला येथील रुग्णालयात वैद्यकीय क्षेत्रातील एक अत्यंत दुर्मिळ आणि धक्कादायक प्रकरण समोर आलं आहे. सुरतमधील ६६ वर्षीय गीताबेन नावाच्या महिलेच्या डोळ्यांच्या पापण्यांमध्ये तब्बल २५० जिवंत उवा आढळल्या आहेत. गेल्या दीड महिन्यांपासून त्या महिलेला डोळ्यांच्या पापण्यांमध्ये तीव्र वेदना, असह्य खाज आणि जळजळ जाणवत होती. डोळा लालसर झाल्याने आणि झोप न लागल्याने त्यांनी अखेर सावरकुंडला येथील रुग्णालयात तपासणीसाठी गेल्यानंतर हा प्रकार समोर आला आहे. बीबीसी मराठीने या संदर्भातील वृत्त दिले आहे.