साऊथ सुपरस्टार धनुषला 'गोंधळ'ची भुरळ, फिल्ममधील गाणं शेअर करत केलं तोंडभरून कौतुक, म्हणाला 'हे रत्न...'

मुंबई : २०२५ या वर्षात मराठी सिनेसृष्टीत अतिशय सुंदर आणि आशयघन चित्रपट तयार होत आहे. यंदाच्या वर्षात अनेक चित्रपटांनी वाहवा मिळवली. अशातच वर्षाअखेरीस आणखी काही चित्रपट प्रेक्षकांना भुरळ घालण्यास सज्ज झाले आहेत. त्यातीलच एक सिनेमा म्हणजे गोंधळ. महाराष्ट्रातील पूर्वापार चालत आलेल्या या परंपरेच्या अवतीभोवती फिरणारी गोष्ट आपल्याला या सिनेमात पाहायला मिळणार आहे. या सिनेमाची खासियत म्हणजे पद्मविभूषण इलैयाराजा यांनी संगीतबद्ध केलेला हा पहिलाच मराठी चित्रपट असून नुकतंच या सिनेमातील नवं गाणं प्रेक्षकांच्या भेटीला आलं आहे.