Scammers ची नवी खेळी! बनावट कोर्ट ऑर्डरचा Email पाठवून लावताय चुना

या बनावट ईमेलमध्ये असे म्हटले आहे की, भारतीय गुप्तचर विभागाकडून तुमच्या इंटरनेट क्रियांची ओळख पटली आहे आणि तुमच्या विरोधात न्यायालयीन आदेश जारी करण्यात आला आहे. पॉर्नोग्राफी पाहण्यासाठी तुम्ही इंटरनेटचा वापर केल्याचा आरोप करण्यात आला आहे. सायबर क्राईम पोलिस युनिटच्या सहकार्याने इंटेलिजन्स ब्युरो अत्याधुनिक फॉरेन्सिक टूल्सद्वारे अशा कारवायांवर लक्ष ठेवते, असेही सांगण्यात आले आहे. ईमेलच्या शेवटी, स्वतःला "प्रॉसीक्यूटर" प्रशांत गौतम म्हणवून घेणारा व्यक्ती त्यावर स्वाक्षरी करतो.

सरकारने स्पष्ट केले आहे की, हा ईमेल पूर्णपणे बनावट आहे आणि फक्त लोकांना घाबरवण्यासाठी किंवा अडकवण्यासाठी तयार करण्यात आला आहे. कायदेशीर नोटीस अशा अनधिकृत ईमेलद्वारे कधीही पाठवल्या जात नाहीत. ते नेहमीच अधिकृत प्रक्रियेत येतात. तुम्हाला तुमच्या ऑनलाइन सुरक्षिततेबद्दल काळजी वाटत असल्यास, भारताच्या अधिकृत सायबर क्राईम पोर्टलवर तुम्ही तक्रार दाखल करु शकता.