Android फोन चोरी होऊनही डेटा राहील सेफ! Googleने जोडले नवे फीचर्स

Published by:Mohini Vaishnav

Last Updated:Jan 28, 2026 6:08 PM IST

गूगलने अँड्रॉइडसाठी नवीन Theft Protection फीचर्स रोलआउट केले आहेत. यामध्ये Identity Check, Failed Authentication Lock, Remote Lock कंट्रोल आणि AI बेस्ड Theft Detection Lock सामिल आहे. जाणून घ्या पूर्ण डिटेल्स...

मुंबई : गूगलने अँड्रॉइड स्मार्टफोन्ससाठी नवीन Theft Protection फीचर्सच्या विस्ताराची घोषणा केली आहे. याचा हेतू फोन चोरांसाठी जास्त अवघड टार्गेट बनवणे आणि चोरीच्या प्रयत्नापूर्वी, दरम्यान आणि नंतर यूझर्सचा डेटा सुरक्षित ठेवणे आहे. गूगलनुसार, हे अपडेटेड सिक्योरिटी टुल्स सध्याच्या सुरक्षा फीचर्सला पुढे नेते आणि ऑथेंटिक कंट्रोल, लॉकआउट बिहेवियर आणि रिकव्हरी ऑप्शन्सवर जास्त मजबूत पकड देते.

गुगलने त्यांच्या सुरक्षा ब्लॉगमध्ये म्हटले आहे की, ही नवीन Theft Protection फीचर्स अँड्रॉइड 16 किंवा त्यावरील व्हर्जनवर चालवणाऱ्या डिव्हाइसेससाठी उपलब्ध आहेत. अँड्रॉइड 15 मध्ये सादर केलेले फेल ऑथेंटिकेशन लॉक फीचर आता आणखी सुधारित करण्यात आले आहे. सेटिंग्जमध्ये एक समर्पित ऑन/ऑफ टॉगल प्रदान करण्यात आला आहे, ज्यामुळे यूझर ते सहजपणे कंट्रोल करू शकतात.

याव्यतिरिक्त, Identity Check फीचर विशेषतः अशा अ‍ॅप्ससाठी उपयुक्त ठरेल जे अँड्रॉइडचे बायोमेट्रिक प्रॉम्प्ट वापरतात, जसे की थर्ड-पार्टी बँकिंग अ‍ॅप्स आणि गुगल पासवर्ड मॅनेजर. या फीचर अंतर्गत, तुम्ही अविश्वसनीय ठिकाणी काही संवेदनशील सेटिंग्ज बदलल्या तर फोन बायोमेट्रिक व्हेरिफिकेशनसाठी विचारेल.

15000 रुपयांहून स्वस्त मिळतोय हा भारी iPhone, फ्लिपकार्टवर बंपर ऑफर

पासवर्डचा अंदाज लावणे कठीण

गूगलने हा दावाही केला आहे की, जेव्हा चोरांसाठी फोनचा पीन, पॅटर्न किंवा पासवर्ड गेस करणे कठीण होईल. अनेकदा चुकीचा प्रयत्न केल्यावर लॉगआउट टाइम वाढवला गेला आहे. खरंतर यूझर्सच्या सोयीकडेही लक्ष ठेवण्यात आले आहे. तुम्ही एकच चुकीचा पासवर्ड वारंवार टाकला तर त्याला वारंवार प्रयत्न म्हणून काउंट केलं जाणार नाही. जेणेकरुन खऱ्या यूझरकडून चुकीन लॉक आउट होऊ नये.

प्रमाणीकरणाव्यतिरिक्त, गुगलने त्यांचे रिकव्हरी टूल्स देखील मजबूत केले आहेत. अँड्रॉइड 10 आणि त्यावरील आवृत्ती चालवणारे डिव्हाइस आता Remote Lock फीचरवर अधिक नियंत्रण देतात. एक नवीन पर्याय जोडण्यात आला आहे, जो डिव्हाइस मालकांना सुरक्षा प्रश्न किंवा आव्हाने सेट करण्याची परवानगी देतो, ज्यामुळे रिकव्हरी प्रोसेस अधिक सुरक्षित होते.

Google Gemini वापरकर्त्यांसाठी अलर्ट! ‘या’ ट्रिकने हॅकर्स चोरतायत तुमची पर्सनल माहिती, वेळीच सावध व्हा!

अधिकाधिक लोकांसाठी चोरीपासून संरक्षण अधिक सुलभ करण्यासाठी, गुगलने ब्राझीलमध्ये अ‍ॅक्टिव्हेट केलेल्या नवीन अँड्रॉइड फोनवर काही फीचर्स बाय डीफॉल्ट सक्षम करण्याचा निर्णय घेतला आहे.

यापैकी सर्वात महत्वाचे म्हणजे Theft Detection Lock, जे फोनची हालचाल आणि संदर्भ ओळखण्यासाठी ऑन-डिव्हाइस एआय वापरते. जर सिस्टमला ‘snatch-and-run’ प्रकारच्या चोरीचा संशय आला तर फोन आपोआप लॉक होतो, ज्यामुळे यूझर्सचा डेटा सुरक्षित राहतो.

गूगलचे हे पाऊल अँड्रॉइड यूझर्ससाठी एक मोठा सिक्योरिटी अपग्रेड मानले जात आहे. विशेषतः त्या लोकांसाठी जे फोन चोरी आणि डेटा सेफ्टीविषयी जास्त सतर्क राहू इच्छितात.

view comments

Location :

Mumbai,Maharashtra

First Published :

Jan 28, 2026 6:08 PM IST

Android फोन चोरी होऊनही डेटा राहील सेफ! Googleने जोडले नवे फीचर्स