iPhone मधील हा छोटासा काळा डॉट नेमका कशासाठी असतो? याचा उपयोग 90 टक्के लोकांना माहित नसणार

आयफोनच्या प्रो मॉडेल्समध्ये (उदा. आयफोन 17 प्रो, 16 प्रो इ.) फ्लॅशलाइटच्या खाली असलेला हा काळा ठिपका म्हणजे LiDAR (Light Detection and Ranging) सेन्सर आहे. हे तंत्रज्ञान इतके प्रगत आहे की याचा वापर अंतराळ संशोधन (NASA) आणि स्वयंचलित कारमध्येही (Self-driving cars) केला जातो. ॲपलने 2020 मध्ये आयफोन 12 प्रो पासून याची सुरुवात केली आणि आता तो प्रो मॉडेल्सचा अविभाज्य भाग बनला आहे.

हा छोटासा सेन्सर तुमच्या फोनमध्ये अनेक महत्त्वाची कामे बॅकग्राउंडला करत असतो.

LiDAR सेन्सरमध्ये एक 'लाईट एमिटर' (Light Emitter) आणि एक 'रिसीव्हर' असतो. एमिटरमधून अदृश्य प्रकाश लहरी बाहेर पडतात आणि समोरच्या वस्तूवर आदळून पुन्हा रिसीव्हरकडे येतात. हा प्रकाश परत येण्यासाठी किती वेळ लागला, यावरून फोनचे अल्गोरिदम वस्तू आणि कॅमेरा यातील नेमके अंतर ठरवते.