नवा स्मार्टफोन घ्यायचाय? मग थांबा, नोव्हेंबरमध्ये लॉन्च होताय 'हे' फोन
- Published by:Mohini Vaishnav
Last Updated:
नोव्हेंबर 2025 मध्ये OnePlus, OPPO, iQOO आणि Realme नवीन स्मार्टफोन लाँच करत आहेत. या डिव्हाइसेसची फीचर्स, किंमती आणि लाँच डेट्स जाणून घ्या.
मुंबई : ऑक्टोबरचा सणासुदीचा महिना आता संपला आहे. नोव्हेंबर 2025 हा तंत्रज्ञान प्रेमींसाठी एक रोमांचक महिना असणार आहे, कारण या महिन्यात अनेक प्रमुख ब्रँड त्यांचे नवीन फ्लॅगशिप आणि मिड-रेंज स्मार्टफोन लाँच करण्याची तयारी करत आहेत. OnePlus पासून OPPO, iQOO आणि Realme पर्यंत, सर्व कंपन्या या महिन्यात त्यांचे नवीन डिव्हाइस लाँच करत आहेत. नोव्हेंबरमध्ये कोणते स्मार्टफोन लाँच होणार आहेत आणि त्यांची फीचर्स काय असतील ते जाणून घेऊया.
OnePlus 15 Series- OnePlus चा पुढील फ्लॅगशिप, OnePlus 15 सीरीज, नोव्हेंबरमध्ये लाँच होणार आहे. त्याची मायक्रोसाइट Amazon वर आधीच लाइव्ह आहे. रिपोर्ट्सनुसार, OnePlus 15 मध्ये 6.78-इंचाचा LTPO AMOLED डिस्प्ले, Snapdragon 8 Elite Gen 5 प्रोसेसर आणि 120W फास्ट चार्जिंगला सपोर्ट असलेली मोठी 7300mAh बॅटरी असेल.
advertisement
कॅमेऱ्याच्या बाबतीत, या फोनमध्ये 50MPचा ट्रिपल कॅमेरा सेटअप असेल. लीकर Paras Guglani यांच्या मते, त्याचे जागतिक लाँच 12 नोव्हेंबर रोजी आणि भारतात 13 नोव्हेंबर रोजी अपेक्षित आहे.
OPPO Find K9 Series- Oppo Find K9 सिरीज 18 नोव्हेंबर रोजी लाँच होण्याची अपेक्षा आहे. या स्मार्टफोन्समध्ये 6.78-इंचाचा LTPO AMOLED डिस्प्ले आणि MediaTek Dimensity 9500 चिपसेट असेल.
advertisement
कॅमेऱ्यासाठी, यात 200MP टेलिफोटो लेन्स असेल आणि बॅटरी 80W वायर्ड आणि 50W वायरलेस फास्ट चार्जिंगला सपोर्ट करेल.
iQOO 15- iQOO 15 चे ग्लोबल लॉन्च 25 नोव्हेंबर रोजी अपेक्षित आहे.
यात 7000mAhची मोठी बॅटरी आणि 100W फास्ट चार्जिंग असेल. या डिव्हाइसमध्ये सSnapdragon 8 Elite Gen 5 प्रोसेसर आणि तीन 50-मेगापिक्सेल कॅमेरे असू शकतात, ज्यामुळे तो एक पॉवरफूल परफॉर्मन्स फोन बनेल.
advertisement
Realme GT 8 Pro - Realme GT 8 Pro स्नॅपड्रॅगन 8 एलिट चिपसेट, 2K रिझोल्यूशन डिस्प्ले आणि 144Hz रिफ्रेश रेटसह लाँच केला जाऊ शकतो. हा फोन गेमिंग आणि हाय-परफॉर्मेंस यूझर्ससाठी डिझाइन केला आहे.
हे स्मार्टफोन देखील उपलब्ध असू शकतात
advertisement
बजेट सेगमेंटमध्ये, Nothing Phone 3a Lite अंदाजे ₹20,000 ते ₹22,000 च्या श्रेणीत लाँच केला जाऊ शकतो. दरम्यान, Lava Agni 4 5G मध्ये Dimensity 8350 चिपसेट आणि 7000mAh बॅटरी असण्याची अपेक्षा आहे.
Location :
Mumbai,Maharashtra
First Published :
October 31, 2025 12:01 PM IST
