वन प्लसच्या ग्राहकांसाठी महत्त्वाची बातमी, पाहा OxygenOS 14 मध्ये काय मिळणार खास?

'फाइल डॉक'सारखी काही इंटरेस्टिंग फीचर्स त्यात आहेत. टेक्स्ट, इमेजेस, व्हिडिओज एकत्रितरीत्या ठेवण्यासाठी आणि इतरांशी शेअर करण्यासाठी नोट्समध्ये कन्व्हर्ट करण्याकरिता त्या फीचरचा उपयोग होणार आहे. कंपनीने स्मार्ट कटआउट नावाचं फीचरही आणलं आहे. फोटोचा ठरावीक भाग सिलेक्ट करून तो फोटोतून बाहेर काढणं त्यामुळे शक्य होणार आहे. यापूर्वी सॅमसंगने वन यूआयमध्ये अशा प्रकारचं फीचर आणलं होतं.

काही नवे रिंगटोन्सही कंपनीने आणले असून, अ‍ॅक्वामॉर्फिक डिझाइनमध्येही कंपनीने काही अपडेट्स आणले आहेत. अ‍ॅप्स अ‍ॅक्सेस करताना हा अधिक पारदर्शक इंटरफेस असेल, असा दावा करण्यात आला आहे.

ट्रिनिटी इंजिन या फीचरबद्दलही वनप्लसने माहिती दिली आहे. त्याद्वारे फोनच्या हार्डवेअरची पूर्ण क्षमता उलगडली जाते. सीपीयू व्हायटलायझेशन आणि रॅम व्हायटलायझेशन असे दोन प्रकारही असल्याचं कंपनीने जाहीर केलं आहे. त्या दोन्हींमुळे चिप आणि मेमरीचा परफॉर्मन्स वाढत असल्याचं कंपनीचं म्हणणं आहे. सध्या ऑक्सिजनओएस 14मध्ये असलेल्या फीचर्सची संख्या कमी आहे; मात्र आगामी अपडेट्समध्ये त्यात काही फीचर्सची भर पडण्याची शक्यता आहे. येत्या काही महिन्यांत आणखी काही वनप्लस फोन्स आणि नॉर्ड फोन्समध्ये ऑक्सिजन ओएस 14चा वापर केला जाणार आहे.