भारतात लवकरच सुरु होणार स्टारलिंक सर्व्हिस! Elon Musk यांनी दिले संकेत, म्हणाले...

केंद्रीय मंत्री ज्योतिरादित्य सिंधिया यांची पोस्ट रिपोर्स्ट करताना मस्क यांनी लिहिले की, ते स्टारलिंकसोबत भारताची सेवा करण्यास तयार आहेत. त्यांची रिअ‍ॅक्शन कमी असली तरी, सरकार आणि स्टारलिंकमधील चर्चा पूर्णत्वाच्या जवळ आल्या आहेत. मस्क यांनी यापूर्वी सांगितले आहे की भारत स्टारलिंकसाठी एक महत्त्वाची बाजारपेठ ठरेल. हे लक्षात घेण्यासारखे आहे की सिंधिया यांनी त्यांच्या पोस्टमध्ये स्टारलिंक बिझनेस ऑपरेशन्सच्या उपाध्यक्ष लॉरेन ड्रेयर यांच्यासोबतच्या भेटीचा फोटो अपलोड केला होता. सिंधिया यांनी लिहिले की, सॅटेलाइट कनेक्टिव्हिटीबाबत ड्रेयर आणि स्टारलिंकच्या वरिष्ठ टीमशी त्यांची बैठक झाली.

अलीकडेच, भारतातील स्टारलिंक निवासी योजनांच्या किमती उघड झाल्याचे वृत्त समोर आले.कंपनीने अशा वृत्तांचे खंडन केले, असे म्हटले की कॉन्फिगरेशनच्या समस्येमुळे वेबसाइटवर डमी टेस्ट डेटा लीक झाला आहे. परंतु ही भारतातील स्टारलिंक सर्व्हिसची किंमत नसेल. स्टारलिंक इंडिया वेबसाइट लाइव्ह नाही आणि सेवांच्या किमती अद्याप जाहीर केलेल्या नाहीत. कंपनी भारतातील ग्राहकांकडून ऑर्डर देखील स्वीकारत नाही. हे लक्षात घेण्यासारखे आहे की, कंपनीच्या भारतातील चाचण्या पूर्ण झाल्या आहेत आणि लवकर मंजुरी मिळण्याच्या अपेक्षेने, कंपनीने तिच्या बेंगळुरू कार्यालयात हायरिंग वेगाने सुरु केलीये.