Netflix Scam पासून सावधान! हॅकर्सची नवी खेळी तुमचं अकाउंट करेल रिकामं
- Published by:Mohini Vaishnav
Last Updated:
What Is Netflix Account Suspended Scam: सध्या ऑनलाइन फसवणूक करण्याचे प्रमाण वाढले आहे. स्कॅमर्स हे व्हॉट्सअॅप, एसएमएस अशा अनेक मार्गांनी लोकांना आपल्या जाळ्यात अडकवण्याचा प्रयत्न करतात. आता नेटफ्लिक्स स्कॅमही समोर आलंय.
What Is Netflix Scam: Netflix यूझर्सची फसवणूक करण्यासाठी एक नवीन सायबर अटॅक केला जात आहे. या अटॅकमध्ये यूझर्सकडून अकाउंटची माहिती आणि क्रेडिट कार्डचे डिटेल्स चोरले जात आहेत. सायबर सुरक्षा कंपनी बिटडेफेंडरच्या म्हणण्यानुसार, फसवणूक करणारे यूझर्सना त्यांचे सबस्क्रिप्शन बंद झाल्याचा मेसेज पाठवून घाबरवतात. हे फसवणूक करणारे यूझर्सना बनावट वेबसाइटवर घेऊन जातात, जिथे यूझर्स त्यांचा पासवर्ड आणि कार्ड डिटेल्स टाकतात.
हा स्कॅम कसा काम करतो?
फसवणूक करणारे नेटफ्लिक्स यूझर्सना मेसेज पाठवतात आणि त्यांना धमकी देतात की त्यांनी पेमेंट न केल्यामुळे त्यांचे अकाउंट बंद केले जाईल. मग ते यूझर्सना बनावट वेबसाइटवर घेऊन जातात आणि पैसे आणि अकाउंटची माहिती विचारतात.
advertisement
Bitdefender ने फसवणूक करणाऱ्यांनी पाठवलेले काही बनावट मेसेज उघड केले आहेत. हे मेसेज खऱ्या Netflix मेसेजसारखे दिसतात. उदाहरणार्थ, 'NETFLIX: तुमच्या पेमेंटमध्ये समस्या आली आहे. कृपया येथे तुमची माहिती कंफर्म करा: https://account-details[.]com'
लोक त्यांची माहिती देतात, तेव्हा फसवणूक करणारे त्यांची Netflix माहिती आणि क्रेडिट कार्ड डिटेल्स चोरतात आणि ते डार्क वेबवर विकतात. मग ते फसवणूक करण्यासाठी किंवा लोकांची अकाउंट ताब्यात घेण्यासाठी या माहितीचा वापर करू शकतात.
advertisement
सुरक्षित कसे राहायचे?
- नेटफ्लिक्सच्या नावाने येणाऱ्या मेसेज आणि ईमेलमध्ये दिलेल्या लिंकवर क्लिक करू नका.
- नेटफ्लिक्सच्या मूळ वेबसाइटवर स्वतः जा. तुमचे अकाउंट सुरक्षित ठेवा आणि मजबूत पासवर्ड तयार करा.
- तुमच्या फोन आणि कम्प्यूटरवर सेफ्टी सॉफ्टवेअर स्थापित करा.
advertisement
- तुम्ही चुकून एखाद्या फेक लिंकवर क्लिक केले असेल, पण तुमची माहिती दिली नसेल, तर तुम्ही सुरक्षित आहात. पण जर तुम्ही तुमची माहिती दिली असेल तर लगेच तुमचा पासवर्ड बदलून बँकेला कळवा.
Location :
Mumbai,Maharashtra
First Published :
Dec 03, 2024 10:53 AM IST
