इकडे आड तिकडे विहीर! मुरबाड शहरातील उड्डाणपूल स्थानिकांसाठी ठरतेय डोकेदुखी; नेमके कारण काय?

ठाणे : मुरबाड शहराच्या प्रवेशद्वारावर राष्ट्रीय महामार्गाच्या कामांतर्गत उभारण्यात आलेला लांबलचक उड्डाणपूल शहरवासीयांसाठी दिलासादायक ठरण्याऐवजी अडचणींचा ठरत असल्याचे सध्या दिसत आहे. सोनारपाडा वळणापासून सुरू होणारा हा पूल वेगवान वाहनांना थेट शहराबाहेर नेण्यासाठी फायदेशीर असला तरी त्याचे नियोजन अपुरे असल्याने नागरिकांना मोठा त्रास सहन करावा लागत आहे.