CSMC election results: छ.संभाजीनगर पालिकेचा पहिला कल आला समोर, भाजप- शिंदेंना धक्का, MIM ने घेतली आघाडी

छत्रपती संभाजीनगर : छत्रपती संभाजीनगर महापालिका निवडणुकीसाठी मतदान पार पडल्यानंतर आता मतमोजणीला सुरुवात झाली आहे. टपाली मतमोजणीला सुरुवात झाली आहे. निकालाचा पहिला कल हाती आहे. सत्ताधारी आणि प्रस्थापितांना धक्का देत एमआयएमने आघाडी घेतली आहे. एमआयएमचे ५ उमेदवार आघाडीवर आहे. तर भाजप ४ आणि शिवसेना ४ जागांवर आघाडीवर आहे.

छत्रपती संभाजीनगर पालिकेत कोण बाजी मारणार याकडे सर्वांचं लक्ष लागलंय. छत्रपती संभाजीनगरमधे 59.82 टक्के इतकं मतदान झालं. संभाजीनगरमधून 115 सदस्याच्या 29 प्रभागांमधून 859 उमेदवार रिंगणात होते. सर्वच पक्ष स्वबळावर लढल्याने निवडणूक रंगतदार झाली होती. आज शहरात चार ठिकाणी 10 वाजता एकाच वेळी मतमोजणीला सुरुवात होणार आहे.

छत्रपती संभाजीनगर पोस्टल निकाल -एकूण जागा - 115

भाजप 4

शिवसेना 3

शिवसेना UBT 3

एमआयएम 5

काँग्रेस1

राष्ट्रवादी 00

राष्ट्रवादी SP 00

किती टक्के झालं मतदान?

महापालिकेच्या सातव्या सार्वत्रिक निवडणुकीसाठी काल सुमारे 59 टक्के मतदान झाले. बोगस मतदान, वादविवाद, मारामारी वगळता कुठेही मोठा अनुचित प्रकार झाला नाही. महापालिकेच्या 115 जागांसाठी 859 उमेदवार निवडणूक रिंगणात आहेत. 1267 मतदान केंद्रांवर मतदान घेण्यात आले. काही ठिकाणी ईव्हीएम बंद पडण्याचे प्रकार झाले. अर्ध्या तासात ईव्हीएम बदलण्यात आले. 2015 च्या निवडणुकीत 63 टक्के मतदान झाले होते. प्रभाग पद्धतीमुळे 4 टक्के मतदान घटल्याचे दिसून आले.

कुणाची प्रतिष्ठापणाला

भाजपकडून मंत्री अतुल सावे यांनी भाजपचा गड लढवला तर मंत्री संजय शिरसाट यांनी शिवसेनेचा किल्ला लढवला. माजी खासदार चंद्रकांत खैरे आणि माजी विरोधी पक्षनेते अंबादास दानवे यांनी शिवसेना उबाठाकडून खिंड लढवली. वंचित बहुजन आघाडी आणि एआयएमआयएम सुद्धा रणांगणात होते. त्यामुळे इथली निवडणूक चुरशीची ठरली. काँग्रेस, दोन्ही राष्ट्रवादीमुळे कुणाचा गेम होणार याकडे सर्वांचे लक्ष लागलंय.

(निकाल अपडेट होत आहे)