शेतात लावली चंदनाची २०० झाडे; सातबाऱ्यावरही नोंद! फुलंब्रीतील शेतकऱ्याचा यशस्वी प्रयोग

छत्रपती संभाजीनगर : फुलंब्री तालुक्यातील डोंगरगाव कवाड येथील रमेश मोरे यांनी एसटी महामंडळामधून सेवानिवृत्त झाल्यानंतर शेतात झाडे लावायचं ठरवलं. सुरुवातीला सीताफळ, साग, मोहगुणी आणि याबरोबरच चंदन झाडांची लागवड केली. श्वेत चंदन या वाणाची 200 झाडांची लागवड त्यांनी दहा बाय वीसवर केली. या चंदन झाडाची कापणी आणि विक्री तब्बल दहा ते बारा वर्षानंतर होते. मात्र अनेक शेतकऱ्यांना चंदन शेती कशी करावी याबद्दल माहिती नसते, त्यामुळे या शेतीसाठी काय विशेष काळजी घेतली पाहिजे, याबद्दल सविस्तर माहिती रमेश मोरे यांच्याकडून जाणून घेऊ.