"एक हातात बाळ, दुसऱ्या हातात बिझनेस!" घरोघरी जाऊन साड्यांची मार्केट रिसर्च करणाऱ्या मेघा नाईक; आज ७ लाखांची उलाढाल!

नवी मुंबई: मेघा नाईक यांनी आपल्या जिद्दीच्या आणि मेहनतीच्या जोरावर स्वतःचा साड्यांचा व्यवसाय उभारला आहे. बारावी (कॉमर्स) पर्यंत शिक्षण झालेल्या मेघा नाईक यांचे लग्न कमी वयात झालं. त्यानंतर संसाराची जबाबदारी आणि मातृत्वाची नवी भूमिका स्वीकारत असतानाच त्यांनी स्वतःचा व्यवसाय सुरू करण्याचा निर्णय घेतला. 2017 साली, अवघ्या सहा महिन्यांच्या लहान मुलाची आई असताना, मेघा नाईक यांनी साड्यांच्या व्यवसायात पाऊल ठेवले. या निर्णयामागे स्वतःच्या पायावर उभे राहण्याची जिद्द होती. या प्रवासात त्यांना कुटुंबाचा आणि विशेषतः पतीचा मोलाचा पाठिंबा लाभला.