Israel Hamas War : हमाससोबत युद्ध सुरू असतानाच 6 हजार भारतीय इस्रायलला जाणार; समोर आलं मोठं कारण

जेरुसलेम : इस्रायल आणि हमासमध्ये युद्ध सुरू आहे. याचदरम्यान मोठी बातमी समोर येत आहे. ती म्हणजे एप्रिल आणि मे महिन्यात सहा हजार भारतीय इस्रायलला जाणार आहेत. इस्रायल आणि हमासमध्ये युद्ध सुरू असतानाच इस्रायलच्या बांधकाम क्षेत्रात कामगारांची कमतरता भासू लागली आहे. ही कामगारांची कमतरता भरून काढण्यासाठी आता सहा हजार भारतीय कामगार इस्रायला जाणार आहेत. हे कामगार एप्रिल आणि मे महिन्यात इस्रायलला जाणार आहेत. इस्रायल सरकारने बुधवारी रात्री उशिरा याबाबत एक स्टेटमेंट जारी केलं आहे. या निवेदनात म्हटलं आहे की, कामगारांना इस्रायलमध्ये आणण्यासाठी इस्रायली पंतप्रधान कार्यालय, वित्त मंत्रालय आणि गृहनिर्माण मंत्रालयाच्या वतीनं चार्टर फ्लाइटला सबसिडी देण्याचा निर्णय घेण्यात आला आहे.