Canada : भारताशी पंगा घेणाऱ्या ट्रुडोंचं सरकार संकटात, सहकाऱ्यांनी दिला अल्टिमेटम

ओटावा : भारताशी पंगा घेणारे कॅनडाचे पंतप्रधान जस्टिन ट्रुडो यांच्या सरकारवर टांगती तलवार आहे. सरकारमधील काही पक्षांनी त्यांना अल्टिमेटम दिला होता. हा अल्टिमेटम आता संपला असून सरकार कोसळण्याची भीती आहे. क्युबेकच्या एका राष्ट्रवादी पक्षाने मंगळवारी घोषणा केली की, कॅनडाचे पंतप्रधान जस्टिन ट्रुडो यांचे अल्पमतातील सरकार पाडण्यासाठी विरोधी पक्षांसोबत मिळून काम करू. कॅनडाच्या संसदेत ३३८ जागांपैकी ट्रुडो यांच्या लिबरल पार्टीकडे १५३ खासदार आहेत. संसदेत कायदा मंजूर करण्यासाठी ट्रुडो यांना इतर पक्षांवर अवलंबून रहावं लागतं.