एलियनच्या शोधासाठी गेलं नासाचं यान, साडेपाच वर्षे लागणार, काय आहे 'मिशन यूरोपा'?

दिल्ली : परग्रहावर एलियन म्हणजेच परग्रहवासी असतात आणि ते पृथ्वीवरील माणसांच्या संपर्कात असतात असे दावे केले जातात. अनेकदा ते विवादास्पद ठरतात पण तरी असे दावे करणं सुरुच राहतं. पृथ्वीच्या कक्षेबाहेर मानवासारखे कोणी बुद्घिमान एलियन राहतात का? ते आपल्याला किंवा आपण त्यांना शोधू शकतो का? हे प्रश्न कितीही ‘बोअर’ वाटले तरी ते विचारले जातात. आता तर दस्तुरखुद्द ‘नासा’ ही एलियन्सच्या शोधासाठी सरसावली आहे. नासाने ‘मिशन युरोपा’ नावाची मोहिम हाती घेतली असून एलियनच्या शोधार्थ गुरु ग्रहावर अंतराळयान पाठवलं आहे.