चीनमध्ये नवीन कोरोना विषाणूची एन्ट्री, कोविडप्रमाणे जगभर पुन्हा थैमान घालणार?

बॅटवूमन म्हणून ओळखल्या जाणाऱ्या चीनमधील व्हायरोलॉजिस्ट क्षी झेंन्गली यांच्या नेतृत्वाखालील टीमने हा व्हायरस शोधून काढला आहे. पाच वर्षांपूर्वी ज्या वुहानच्या ज्या लॅबमधून कोरोना विषाणू लीक झाल्याचा आरोप होतो. त्याच लॅबशी क्षी झेंन्गली यांचा संबंध आहे. या नव्या संशोधनामुळे आता जगभर पुन्हा एकदा कोरोना विषाणूची भीती निर्माण झाली आहे. पण सुदैवाची बाब म्हणजे हा विषाणून जनावरांमधून सहजपणे माणसांमध्ये ट्रान्सफर होत असला तरी या विषाणूची ट्रान्समिशन रिस्क ही कोविड-१९ पेक्षा कमी आहे.

साऊथ चायना मॉर्निंग पोस्टच्या रिपोर्टनुसार, झिंन्गली यांनी केलेल्या संशोधनात म्हटलं आहे की, नवीन HKU-Cov-2 हा नवीन प्रकारचा कोरोना व्हायरस आहे. सगळ्यात आधी हाँगकाँगमधील जपानी पिपिस्ट्रेल वटवाघळांमध्ये हा व्हायरस आढळून आला आहे. हा व्हायरस मर्बेकोव्हायरस सबजीन पासून उद्भवतो. यामध्ये मिडल इस्ट रेस्पिरेटरी सिंड्रोम (एमईआरएस) होणाऱ्या विषाणूचा समावेश आहे. हा विषाणू ACE2 रिसेप्टरशी संबंधित आहे. जो COVID-19 विषाणूद्वारे वापरला जातो. संशोधकांचे म्हणणे आहे की हा विषाणू मानवांमध्ये पसरण्याचा धोका जास्त आहे. मात्र, कोविड 19 प्रमाणे धोकादायक नाही.

संशोधकांच्या मते , आम्ही HKU5-CoV च्या वेगळ्या शोधाचा अहवाल देतो. जो केवळ वटवाघुळांपासून वटवाघळांमध्येच नव्हे तर मानव आणि इतर सस्तन प्राण्यांमध्येही सहज पसरू शकतो. संशोधकांना असे आढळून आले की जेव्हा विषाणूंना नमुन्यांमधून वेगळे केले गेले, तेव्हा ते कृत्रिमरित्या वाढलेल्या पेशी तसेच मानवी पेशींना संक्रमित करतात.

क्षी झेंन्गलीच्या टीमला असे आढळले आहे की HKU5-CoV-2 आणि आंतरप्रजाती संसर्गाची शक्यता जास्त असू शकते. अशा परिस्थितीत या विषाणूवर अधिक लक्ष ठेवण्याची गरज आहे. दरम्यान, त्यांच्या टीमने स्पष्ट केले आहे की, त्याची कार्यक्षमता कोविड व्हायरसपेक्षा खूपच कमी आहे आणि HKU5-CoV-2 ला मानवी लोकसंख्येसाठी धोका म्हणून पाहिले जाऊ नये.