Pakistan Train Hijack Live : आर्मी आणि दहशतवाद्यांमध्ये गोळीबार, 30 जवानांची हत्या, 104 प्रवाशांच्या सुटकेचा थरार

आठ तासांच्या या संघर्षात पाकिस्तानी सैन्याला माघार घ्यायला भाग पाडले गेले. या चकमकीत 30 हून अधिक पाकिस्तानी सैनिक ठार झाले आहेत. तर अनेक जखमी झाले आहेत. पाकिस्तानला या हल्ल्यात मोठ्या प्रमाणावर आर्थिक आणि जीवितहानी सहन करावी लागली. या हल्ल्यानंतर आतापर्यंत 104 प्रवाशांचा जीव सुखरुप वाचवण्यात आल्याची माहिती पाकिस्तान आर्मीकडून देण्यात आली आहे. अद्याप काही प्रवासी दहशतवाद्यांच्या तावडीत आहेत. पाकिस्तान आर्मी आणि दहशतवाद्यांमध्ये गोळीबार सुरू असून आतापर्यंत 16 बलूच दहशतवादी ठार करण्यात आले आहेत.

BLA ने पाकिस्तान सरकारला ठणकावून सांगितले आहे की, जर 48 तासांत बलूच कैद्यांना सोडले नाही, तर ओलीस ठेवलेले सर्व 214 प्रवासी ठार मारले जातील आणि संपूर्ण ट्रेन नष्ट केली जाईल.

पाकिस्तानच्या तुरुंगांमध्ये असलेल्या सर्व बलूच राजकीय कैद्यांची त्वरित सुटका करावी.

मश्‍कफ, धादर आणि बोलन भागात हे संपूर्ण ऑपरेशन सुनियोजित पद्धतीने राबवले गेले. BLA च्या सैनिकांनी रेल्वे ट्रॅक उडवून जफर एक्सप्रेसला अडवले, त्यानंतर तात्काळ संपूर्ण ट्रेनचा ताबा घेतला आणि प्रवाशांना ओलीस ठेवले. BLA च्या मजीद ब्रिगेड, स्पेशल युनिट फतेह स्क्वॉड आणि STOS या गटांनी हा हल्ला केला. पाकिस्तानने लष्करी कारवाई केल्यास BLA त्याला आक्रमक प्रत्युत्तर देईल, असा इशारा त्यांनी दिला आहे. बलूच लिबरेशन आर्मीची मुख्य मागणी आहे की बलूचिस्तान हा स्वतंत्र देश असावा आणि पाकिस्तानने त्याच्यावर लादलेले नियंत्रण पूर्णतः संपुष्टात यावे. बलूचिस्तानमधील नागरिक पाकिस्तानी सैन्य आणि सुरक्षा यंत्रणांचा पूर्णतः विरोध करतात.