Pope Francis Dies : पोप फ्रान्सिस यांचे निधन, जगभरातील ख्रिस्ती समाजावर शोककळा

व्हॅटिकन सिटी :  जगभरातील कॅथोलिक ख्रिस्ती समुदायाचे सर्वोच्च धर्मगुरू पोप फ्रान्सिस यांचे आज निधन झाले. व्हॅटिकनने अधिकृतपणे त्यांच्या निधनाचे वृत्त  जाहीर केले आहे. ते 88 वर्षांचे होते. गेल्या काही महिन्यांपासून ते आजारांशी झुंज देत होते. पोप फ्रान्सिस हे मूळचे अर्जेंटिना येथील आहेत. 2013 मध्ये पोप म्हणून निवडले गेले. ते पोपपदी विराजमान होणारे पहिले लॅटिन अमेरिकन आणि पहिले जेसुइट धर्मगुरू होते. त्यांचं नेतृत्व सौम्य, समंजस आणि सर्वसमावेशक धोरणांसाठी ओळखलं गेलं. त्यांनी चर्चमध्ये पारंपरिक विचारांवर पुनर्विचार घडवून आणण्याचा प्रयत्न केला.