Honeymoon : हनीमूनला गेलेल्या कपलसोबत घडतंय काय? राजा-सोनमसारखं आणखी एक कपल बेपत्ता

उत्तर प्रदेशातील प्रतापगड जिल्ह्यातील एक नवविवाहित जोडपं, कौशल्येंद्र प्रताप सिंह आणि अंकिता सिंह अशी त्यांची नावं. 5 मे रोजी त्यांचं लग्न झालं. 24 मे रोजी हे दोघं हनीमूनसाठी सिक्कीमला गेले. 15 दिवस उलटूनही ते घरी परतलेले नाहीत.

29 मे रोजी संध्याकाळी भूस्खलनग्रस्त मंगन जिल्ह्यात ज्या कारमध्ये दोघं प्रवास करत होते, ती तीस्ता नदीत 1 हजार फूट खोलवर कोसळली. लाचेन-लाचुंग महामार्गावरील मुनसिथांगजवळ कार रस्त्यावरून घसरली. त्यांच्यासोबत प्रवास करणाऱ्या नऊ जणांपैकी एकाचा मृत्यू झाला आणि दोन जखमी झाले. आठ प्रवासी अजूनही बेपत्ता आहेत. या बेपत्तांमध्ये अंकिता आणि कौशल्येंद्र हे कपल आहे.