Board Exam Result : दहावीत नापास पण सेलिब्रेशन जोरात, आई-वडिलांनी दिला आयुष्याचा मोठा धडा, Video Viral

मुंबई : दरवर्षीप्रमाणे यंदाही बोर्डाचे निकाल लागल्यावर अनेकांच्या घरात आनंदाचं वातावरण आहे. काही जणांचे चेहरे आनंदाने खुलले आहेत, तर काही जण निराश झालेत. आज महाराष्ट्र बोर्डाचा १२वीचा निकाल लागला, आणि अनेक विद्यार्थ्यांनी उत्तम गुण मिळवून यश मिळवलं. घरोघरी सेलिब्रेशन सुरू आहे. पण दुसरीकडे काही विद्यार्थी अपेक्षित गुण न मिळाल्यामुळे किंवा नापास झाल्यामुळे दुखी आहेत. पण अशावेळी या मुलांच्या घरच्यांनी त्यांच्या पाठीशी उभं राहणं, हे खूप गरजेचं आहे. ज्यामुळे मुलं मानसिक तणावात जाणार नाहीत.