उंच इमारतीच्या खिडकीत अडकलं कुत्रं, महिलेने केलं असं काही, वाचला जीव, पहा VIDEO 

व्हायरल व्हिडीओमध्ये, कुत्रा इमारतीला लटकलेला असताना तो घाबरलेला दिसतो. कदाचित, त्याला तिथून पडण्याचे परिणामही माहीत असावेत. अशा परिस्थितीत, तो इमारतीची खिडकी घट्ट पकडतो. व्हिडीओमध्ये लोकांच्या गोंधळाचा आवाजही ऐकू येतो. ज्यामध्ये लोकं खूप चिंतेत दिसत आहेत. पण, ज्या खिडकीला कुत्रा लटकलेला आहे, त्याच्या अगदी खाली एक महिला त्याचा जीव वाचवण्यासाठी पुठ्ठा घेऊन उभी असते. कुत्रा खाली पडताच, तो त्या पुठ्ठ्यावर येतो आणि ती महिला त्याला तिच्या घरात घेऊन जाते. यासोबतच, 34 सेकंदांचा हा हृदयस्पर्शी व्हिडीओ संपतो.

हा व्हिडीओ X वर पोस्ट करताना, @crazyclipsonly यांनी लिहिलं- ब्राझीलमधील महिलेने पुठ्ठ्याच्या बॉक्सने पडणाऱ्या कुत्र्याला पकडलं. आतापर्यंत या व्हिडीओला 1 लाख 16 हजारांहून अधिक व्ह्यूज आणि 1500 हून अधिक लाईक्स मिळाले आहेत. तर पोस्टवर 50 हून अधिक कमेंट्सही आल्या आहेत. कमेंट सेक्शनमध्ये, वापरकर्ते महिलेच्या कॅचचं कौतुक करून थकत नाहीत.