पृथ्वीवर चमत्कार घडणार! ना आयुष्यात कधी पाहिलं ना पुन्हा कधी पाहायला मिळणार; तारीख लक्षात ठेवा

2 ऑगस्ट 2027 हा दिवस जगाच्या खगोलशास्त्राच्या इतिहासात कोरला जाणार आहे. दिवसा उजेडात पृथ्वीचे अनेक भाग अचानक अंधारात बुडातील, तापमानात घट होईल, आकाशात तारे दिसू लागतील आणि काही मिनिटांसाठी पृथ्वीनं धडधडणं थांबवल्यासारखं वाटेल. शास्त्रज्ञांचं म्हणणं आहे की गेल्या 100 वर्षांत असं कधीच पाहिलं गेलं नाही आणि पुन्हा सहजासहजी पाहता येणार नाही.

आता हे सगळं का घडणार आहे? तर याचं कारण म्हणजे सूर्यग्रहण. एकविसाव्या शतकातील सर्वात मोठे सूर्यग्रहण, जे पूर्ण 6 मिनिटं 23 सेकंदांचं असेल, इतका वेळ पृथ्वीवर अंधार असेल. दुपार अचानक रात्रीत बदलले तापमान 5 ते 10 अंशांनी कमी होऊ शकतं, वाऱ्याची दिशा बदलू शकते आणि पक्ष्यांसह अनेक प्राण्यांमध्ये असामान्य वर्तन दिसून येऊ शकतं. पूर्ण सूर्यग्रहणादरम्यान सूर्याचा फिकट कोरोना आणि तेजस्वी ग्रह शुक्र, बुध आणि काही तारे देखील दिसतील. शास्त्रज्ञांच्या मते, दर 18 महिन्यांनी एकदा पूर्ण सूर्यग्रहण होतं, पण इतकं वेळ राहणारं ग्रहण फारच दुर्मिळ आहेत.

भारतातील काही भागात आंशिक सूर्यग्रहण दिसू शकतं, पण ते खूपच मर्यादित आहे. पूर्ण सूर्यग्रहणाचं सर्वात नेत्रदीपक दृश्य पाहण्यासाठी लोकांना स्पेन, मोरोक्को, इजिप्त किंवा मध्य पूर्वेतील काही निवडक शहरांमध्ये जावं लागेल.