घटस्फोटित महिलेशी लग्न, काही दिवसांत गायब झाली बायको, सत्य समजताच नवरा धक्क्यात

इंटरनेट आणि आधुनिक माध्यमांद्वारे नातेसंबंध निर्माण करणं किती धोकादायक असू शकतं हे सिद्ध करणारी एक घटना. ही घटना डिसेंबर 2024 मध्ये घडली, जेव्हा हुआंगने एका मॅचमेकिंग एजन्सीची जाहिरात पाहिली आणि प्रेमाच्या शोधात चीनमधील गुइयांग येथील एका कंपनीशी संपर्क साधला. वृत्तानुसार झेंक्सी मॅचमेकिंग कंपनीतील एका मॅचमेकरने हुआंगची ली नावाच्या मुलीशी ओळख करून दिली. आधीच विवाहित असलेली ली तिच्या पतीला घटस्फोट देणार होती आणि दुसऱ्या लग्नासाठी वर शोधत होती.

हुआंग आणि ली 14 डिसेंबर रोजी भेटले. 17 डिसेंबर रोजी लीचा घटस्फोट झाला. फक्त चार दिवसांच्या डेटिंगनंतर हुआंगने 18 डिसेंबर रोजी तिच्या मूळ गावी अंशुन इथं लीशी लग्न केलं. हुआंग आपल्या नवीन वधूला जियांग्शी घेऊन आला आणि एकत्र नवीन जीवन सुरू करण्यास उत्सुक होते. पण रुग्णालयात गर्भधारणेपूर्वी तपासणी दरम्यान लीला लैंगिक संक्रमित आजार असल्याचं समजलं, ती ड्रग्जही घेत होती.

या खुलाशानंतर ली वारंवार तिच्या गावी जाऊ लागली. लग्नाला एक महिनाही झाला नव्हता की ली जानेवारी 2025 मध्ये पूर्णपणे गायब झाली, तिने हुआंगशी सर्व संपर्क तोडले.

हुआंगला आता संशय आला की तो मॅरेज स्कॅमचा बळी पडला आहे, जी लग्नाच्या बहाण्याने लोकांना पैसे देऊन फसवण्याची योजना होती. जेव्हा हुआंग मॅचमेकिंग एजन्सीकडे परतला तेव्हा त्याला आढळलं की ली इतर पुरुषांनाही भेटत आहे आणि त्यांच्याकडून पैसे आणि गिफ्ट घेत आहे. अखेर पोलिसांनी फसवणुकीच्या संशयावरून लीला ताब्यात घेतलं.

झेंक्सी मॅचमेकिंग कंपनीचे प्रमुख यिंग गुओहोंग यांनी सांगितलं की, ज्या पुरुषांनी सुरुवातीला हुआंगची एजन्सीशी ओळख करून दिली ते अधिकृत कर्मचारी नव्हते तर बाह्य भागीदार होते. कंपनीने हुआंगची एजन्सी फी सुमारे परत केली आहे, परंतु हुआंगने गमावल्याचा दावा केलेली अतिरिक्त रक्कम भरणार नाही. हुआंग आणि कंपनी दोघांनीही पोलीस तक्रार दाखल केली आहे. ली आणि संबंधित मॅचमेकर दोघांनाही पोलिसांनी ताब्यात घेतलं आहे.