मुंग्या रस्ता ओलांडत आहेत थांबा! तरुणाने मुंग्यांसाठी सगळ्यांना थांबवलं, पुढे काय घडलं Watch Video

आर्यनने निऑन जॅकेट घातलं  आहे आणि खऱ्या अधिकाऱ्यासारखा दिसण्यासाठी त्याने हातात शिट्टी धरली होती. तो एका वर्दळीच्या रस्त्यावर उभा राहून लोकांना सांगतो की मुंग्या रस्ता ओलांडत आहे त्यांना थांबावं लागेल. कारण ते 'एक मुंगी वाचवा, एक मुंगी वाढवा', या सरकारच्या नवीन योजनेचा भाग आहे,  नियमांचं पालन न करणाऱ्यांना 1 लाख रुपयांचा दंड ठोठावण्याची धमकी दिली जाते.

आर्यनच्या बोलण्याने काही लोक गोंधळलेले. पण एका व्यक्तीने मने जिंकली. शेवटच्या व्यक्तीने जे म्हटलं ते कौतुकास्पद आहे. त्याने म्हटलं की मुंग्या देखील जिवंत प्राणी आहेत आणि त्यांचं जीवन देखील महत्त्वाचं आहे. त्याचं संवेदनशील उत्तर सोशल मीडियावर व्हायरल झालं आणि युझर्सनी त्याचं कौतुक केलं.

@katariaaryann इन्स्टाग्राम अकाऊंटवर पोस्ट केलेला हा व्हिडीओ. या व्हिडिओवर सोशल मीडियावर अनेक कमेंट आल्या आहेत. एका युझरने लिहिलं, "मला शेवटचा माणूस खूप आवडला, तो अगदी माझ्यासारखाच आहे." दुसऱ्याने लिहिलं, "शेवटचा माणूस जैन आहे."

एका कमेंटमध्ये लिहिलं होतं, "जैन वसाहतींमध्ये मुंग्यांसाठी पांढऱ्या पट्ट्या असतात." दुसऱ्या युझरने म्हटलं, "इंटरनेटवरची सर्वात चांगली गोष्ट पाहिली." कोणीतरी विनोदाने लिहिले, "मुंग्या देखील JVLR ट्रॅफिकमध्ये अडकल्या आहेत, इतकी वाईट परिस्थिती!" आर्यन कटारिया यापूर्वीही त्याच्या अनोख्या कंटेंटसह व्हायरल झाला आहे.

एकंदर पाहिला तर मुंग्यांसाठी ट्रॅफिक थांबवावं किंवा लोकांनी थांबावं असा कोणता नियम नाही. पण तरुणाने हे व्हायरल होण्यासाठी केलं आहे.