Trending:

चालत्या ट्रेनमधील तो स्टंट आणि गमावले हात-पाय; मुंबई लोकल स्टंटबाज तरुणाचा Video

Published by:Devika Shinde

Last Updated:July 28, 2024 10:06 PM IST

तुम्ही अशा स्टंटबाजी करणाऱ्या लोकांचे असंख्य व्हिडीओ पाहिले असतील. अनेकांना तर पोलिसांकडून अटक देखील करण्यात आली आहे. असाच एक व्हिडीओ सध्या सोशल मीडियावर समोर आला आहे.

मुंबई : सोशल मीडियावरील बहुतांश व्हिडीओ हे स्टंटबाजीशी संबंधीत आहे. अनेक लोक प्रसिद्धीसाठी तसेच आपण किती कुलू आहोत, आपण काहीही करु शकतो हे दाखवण्यासाठी स्वत:चा जीव धोक्यात टाकतात. कधीकधी त्यांच्या प्रकारामुळे इतर लोकांसाठी देखील धोका निर्माण होतो.

तुम्ही अशा स्टंटबाजी करणाऱ्या लोकांचे असंख्य व्हिडीओ पाहिले असतील. अनेकांना तर पोलिसांकडून अटक देखील करण्यात आली आहे. असाच एक व्हिडीओ सध्या सोशल मीडियावर समोर आला आहे. हा स्टंटचा व्हिडीओ आहे. ज्याचे परिणाम काय झाले, हे देखील दाखवण्यात आलं आहे.

खरंतर मागच्या काही दिवसांपासून एका तरुणाचा व्हिडीओ व्हायरल होत आहे, जो चालत्या ट्रेनमध्ये स्टंटबाजी करत आहे. लोकांनी या व्हिडीओला खूप शेअर आणि कमेंट केलं आहे. ज्यामुळे तो व्हिडीओ खूप ट्रेंड झाला. पण अशी स्टंटबाजी करण्याची या तरुणाला खूप मोठी शिक्षा मिळाली आहे, जी आयुष्यभरासाठी त्याची पाठ सोडणार नाही.

हा स्टंट करणारा मुंबईतील एन्टॉप हिल येथे रहाणारा तरुण आहे. अशाच एका स्टंटदरम्यान या तरुणाचा बॅलेंस गेला आणि त्यामुळे त्याच्यासोबत अपघात घडला, ज्यानंतर या तरुणाला आपला एक हात आणि एक पाय देखील गमवावा लागला आहे. या तरुणाच्या या मुलाखतीचा व्हिडीओ देखील सोशल मीडियावर आता समोर आला आहे. हा व्हिडीओ मुंबई पोलिसांनी सोशल मीडियावर शेअर केला आहे, जो अशा स्टंटबाजीला आळा घालण्यासाठी आणि लोकांसमोर उदाहरण देण्यासाठी केला गेला आहे.

Central Railway has identified the stunt performer from this viral video, who later lost an arm and leg during another stunt. @RPFCRBB swiftly took action to ensure safety.
We urge all passengers to avoid life-threatening stunts and report such incidents at 9004410735 / 139.… https://t.co/HJQ1y25Xkv pic.twitter.com/DtJAb7VyXI

— Central Railway (@Central_Railway) July 26, 2024