Sundays off: कोणामुळे मिळाली रविवार सुट्टी? हे नाव आजही 99 टक्के लोकांना ठाऊक नाही; या व्यक्तीला Thanks म्हणा

इंस्टाग्रामवरील एका रीलने भारतात रविवार सुट्टीची सुरुवात कशी झाली याविषयी उत्सुकता निर्माण केली आहे. आणि आश्चर्य म्हणजे ही स्टोरी नारायण मेघाजी लोखंडे यांच्या संघर्षाशी जोडलेली आहे. लोखंडे हे एक मजूर नेते होते. ज्यांनी बॉम्बेच्या गिरणी कामगारांसाठी आवाज उठवला होता. या रीलमध्ये इतिहास आणि कथाकथन यांचा सुरेख संगम आहे. यात सांगितले आहे की, जरी ब्रिटिश अधिकाऱ्यांना 1843 पासून रविवारी सुट्टी मिळत होती. तर भारतीय कामगारांना आठवड्याच्या सातही दिवसांत काम करावे लागत होते.

पण 1883 मध्ये ही परिस्थिती बदलायला सुरुवात झाली. लोखंडे यांनी गिरणी कामगारांसाठी आठवड्यातून एक सुट्टी असावी यासाठी प्रयत्न सुरू केले. त्यांच्या मागण्या सात वर्षे सतत फेटाळल्या गेल्या. पण त्यांनी हार मानली नाही. अखेर त्यांच्या चिकाटीला यश आले. 1890 पर्यंत गिरणी कामगारांना रविवारी आठवड्याची सुट्टी मान्य झाली. आणि नंतर हळूहळू इतर व्यवसायांनाही त्याचे अनुकरण केले.