सासू-सुनांची 'तूतूमैमै' थांबणार! सासू-सुनांमध्ये पहिल्यांदाच 'शांतीबाँड', कोर्टाचा निर्णय, नेमका आहे तरी काय?

मध्य प्रदेशच्या इंदौरमधील एका प्रकरणात इंदौर जिल्हा कोर्टाने हा निकाल दिला आहे. इंदौरच्या खजराना येथील पीपल चौकात राहणारी साधना (नाव बदललेलं) जिच्या मुलाचं लग्न एअरहॉस्टेस असलेल्या अनिता (नाव बदललेलं) वर प्रेम होतं. 14 फेब्रुवारी 2024, वॅलेंटाईन डेच्या दिवशीच त्यांचं लग्न झालं. लग्न कोणत्याही अडचणी, वादाशिवाय पार पडलं. पण लग्नानंतर मात्र सगळंच बदललं.

काही कालावधीनंतर साधनाचा मुलगा आणि सुनेत वाद सुरू झाला. मुलाने बाययकोचं घर सोडलं आणि कुठेतरी निघून गेला. दोघांची कोर्टात घटस्फोटाची केस सुरू झाली.  नवरा गेल्यानंतर सुनेनं सासूसासऱ्यांना त्रास द्यायला सुरुवात केली. 27 मे 2025 रोजी अनिताने सासू साधना आणि तिच्या पतीविरोधात हुंड्यासाठी छळ केल्याची तक्रार करत केस केली. इतकंच नव्हे तर ती सासूला फोन आणि व्हॉट्सअपवर धमक्याही देऊ लागली. खोट्या प्रकरणात फसवण्याचा इशारा देऊ लागला.

पीडित सासूने पोलिसात धाव घेतली. सायंकाळी 5 वाजता ती पोलिसात पोहोचली पण पोलिसांनी रिपोर्ट घेतला नाह. ती पुन्हा घरी आली. अनिता, तिची आई आणि त्यांच्यासोबत आलेला मुलगा रात्री 8 पर्यंत साधनाच्याच घरी होते. त्यांनी तिच्याशी वाद घातला, शिवीगाळ केली आणि धमकी देऊन मुख्य दरवाजाला टाळं लावलंय  साधनाने अनिताकडे चावी मागितली पण तिने दिली नाही आणि टाळंही उघडलं नाही. रात्रभर साधना आणि तिचा नवरा घरात बंद होते. सकाळी घराच्या मालकाने कसंबसं करून दोघांना घरातून बाहेर काढलं.

महिला बाल विकास विभागाच्या अधिकाऱ्यांनी या प्रकरणाची चौकशी केली. सासूच्या घराच्या आसपासच्या लोकांशी चौकशी केली. त्यांचा जबाब घेतला. सासूसुनेचाही जबाब घेतला. अधिकाऱ्याने सासू घरगुती हिंसेने पीडित असल्याचा रिपोर्ट दिला. या रिपोर्टच्या आधार इंदौर जिल्हा कोर्टाने निर्णय घेतला.

साधनाची केस लढणारे वकील आशिष शर्मा यांनी सांगितलं की, कोर्टाने सासूला न्याय दिला. सुनेला सासूपासून दूर राहण्याचा आणि हिंसा न करण्यासाठी बाँड भरण्याचा आदेश देण्यात आला. सासूला व्हॉट्सअॅप मेसेज करायचा नाही आणि घरात घुसून हंगामा करायचा नाही, असेही आदेश दिले आहेत.  हा आदेश कायदेशीरच नाही तर सामाजिकरित्याही एक आदर्श आहे.