माझ्या मम्मीपप्पाले फोन लावून द्या बरं! चिमुकल्याने नंबरही सांगितला, पण लावायचा कसा, लोकांना पडला प्रश्न, VIDEO VIRAL

शेवटी मुलाला समोर एक महिला दिसते. कदाचित ती त्याची शिक्षिका असेल. तो तिला हाक मारतो आणि म्हणतो माझ्या मम्मीपप्पाले फोन लावून द्या बरं... मुलाच्या बोलण्यावरून तो विदर्भातील असावा असं वाटतं. समोरून महिला त्याला फोन लावून द्यायला नकार देते. तेव्हा मुलगा चेहरा रडवेला करतो आणि लावून द्या अशी विनंती करतो. तेव्हा ती महिला त्याला पप्पांचा फोन नंबर माहिती आहे का? असं विचारते. मुलगा लगेच बोबड्या भाषेत मराठीत नंबर सांगतो. अगदी न अडखळता. शहाण्णव नून्नू चार एक्याण्णव नव्वद सत्तर... सुरुवातीच्या दोन नंबरनंतर पुढचा नंबर काय तो काही समजत नाही.

व्हिडीओ पाहिल्यानंतर त्यावर बऱ्याच कमेंट येत आहे. अनेकांना व्हिडीओ आवडला आहे. बहुतेकांनी मुलाच्या मराठीवरील प्रेमाचं आणि त्याला मराठी शिकवणाऱ्या आईवडिलांचं कौतुक केलं आहे. तसंच काहींनी आपल्याला काही समजलं नाही पण आवडलं आहे, असं म्हटलं आहे.

अनेकांना मुलाने सांगितलेले मधले नंबर काही समजले नाही आहेत. तुम्हाला ते समजले का आणि हा व्हिडीओ कसा वाटला आम्हाला आमच्या सोशल मीडियाच्या कमेंट बॉक्समध्ये नक्की सांगा.