सुट्टी मागणं ठरलं गुन्हा! कर्मचाऱ्याला मॅनेजरनं दिलं असं उत्तर, ऐकून तुम्ही म्हणाल, "असं कोण करतं?"

मुंबई : भारतातील कॉर्पोरेट जगतात कर्मचाऱ्यांवर होणारा मानसिक आणि भावनिक ताण दिवसेंदिवस वाढताना दिसतो आहे. कामाच्या ठिकाणी ‘डेडलाईन’, ‘टार्गेट’ आणि ‘परफॉर्मन्स’ यांच्या दबावात अनेक कर्मचाऱ्यांना आरोग्याच्या समस्या भेडसावत असतात. पण त्याहूनही वेदनादायक गोष्ट म्हणजे आजारपण किंवा अडचण सांगितल्यावरही काही मॅनेजरकडून थंड, असंवेदनशील वागणूक मिळते. ज्यामुळे अनेकदा कर्मचाऱ्यांना आपण आजारी पडलो म्हणजे आपणच काही चूक केली असं वाटतं.