गुलाबी रंग मुलींचा आणि निळा मुलांचा हे कोणी ठरवलं? रंगांमधील हा फरक कधीपासून सुरु झाला तुम्हाला माहितीय?

18व्या शतकात गुलाबी रंग कोणत्याही लिंगाशी जोडला जात नव्हता. त्या काळात तो शक्ती, सामर्थ्य आणि उत्साहाचं प्रतीक मानला जायचा. फ्रान्सच्या राजा लुई XV यांची प्रेयसी मॅडम डी पोम्पाडोर हिने गुलाबी रंग आपल्या पोशाखांत मोठ्या प्रमाणात वापरायला सुरुवात केली आणि तिच्यामुळेच "पोम्पाडोर पिंक" हा रंग लोकप्रिय झाला.

19व्या शतकात कपड्यांच्या डिझाइनमध्ये लिंगानुसार रंगांचा वापर होऊ लागला. त्या वेळी गुलाबी रंग मुलांसाठी आणि निळा रंग मुलींसाठी वापरला जाई. गुलाबी रंग शक्ती आणि धैर्याचं प्रतीक मानला जायचा, तर निळा रंग कोमलता आणि शांततेचं द्योतक मानलं जायचं.

20व्या शतकाच्या मध्यात सर्वकाही उलटं झालं. मार्केटिंग आणि जाहिरातींच्या प्रभावामुळे गुलाबी रंगाला महिलांचा रंग म्हणून ओळख मिळाली आणि निळा रंग पुरुषांसाठी मानला जाऊ लागला. या बदलामागे व्यापार आणि समाजातील बदलती मानसिकता यांचा मोठा वाटा होता.

1950 साली अमेरिकेच्या तत्कालीन फर्स्ट लेडी मॅमी आयझनहॉवर यांनी आपल्या शपथविधी सोहळ्यात गुलाबी रंगाचा गाउन परिधान केला होता. त्या दिवसानंतर पिंक रंग महिलांमध्ये फॅशनचा प्रतीक बनला आणि आजही तो स्त्रीत्वाचं प्रतिनिधित्व करतो.