कापूस आणि कांद्याच्या दरात घसरण, सोयाबीन आणि तुरीला काय मिळाला भाव? Video

कृषी मार्केट वेबसाईटवरील सायंकाळी 6.30 वाजताच्या अहवालानुसार, आज राज्यातील विविध कृषी बाजार समित्यांमध्ये कपाशीची एकूण 16 हजार 438 क्विंटल इतकी आवक नोंदवण्यात आली. यामध्ये वर्धा बाजारात सर्वाधिक 7 हजार 700 क्विंटल कपाशीची आवक झाली. त्याठिकाणी कपाशीला किमान 7 हजार 803 तर कमाल 8 हजार 282 रुपये प्रतिक्विंटल सर्वाधिक दर मिळाला. बुधवारी नोंदवलेल्या दरांच्या तुलनेत आज कपाशीच्या बाजारभावात घट झाल्याचे स्पष्ट झाले आहे.

आज राज्यातील कृषी बाजारांत एकूण 2 लाख 59 हजार 130 क्विंटल कांद्याची आवक झाली. यापैकी नाशिक बाजारात 84 हजार 738 क्विंटल लाल कांद्याची सर्वाधिक आवक नोंदवली गेली. या बाजारात कांद्याला किमान 570 ते कमाल 1 हजार 632 रुपये प्रतिक्विंटल भाव मिळाला. चंद्रपूर बाजारात आवक झालेल्या कांद्याला 2 हजार 600 रुपये प्रतिक्विंटल असा सर्वाधिक दर मिळाल्याचे दिसून आले. बुधवारी मिळालेल्या उच्चांकी दराच्या तुलनेत आज कांद्याच्या दरात काहीशी घसरण झाल्याचे बाजारातील चित्र आहे.

आज राज्यातील कृषी बाजारांमध्ये सोयाबीनची एकूण 39 हजार 162 क्विंटल इतकी आवक झाली. यामध्ये अकोला बाजारात 6 हजार 450 क्विंटल सोयाबीनची सर्वाधिक आवक झाली. अकोला बाजारात सोयाबीनला किमान 4 हजार 790 ते कमाल 5 हजार 398 रुपये प्रतिक्विंटल दर मिळाला. पिवळ्या सोयाबीनला वाशिम बाजारातच 5 हजार 850 रुपये प्रतिक्विंटल असा उच्च दर मिळाला. बुधवारी मिळालेल्या दरांच्या तुलनेत आज सोयाबीनच्या भावात वाढ नोंदवण्यात आली आहे.

आज राज्यातील कृषी बाजारांमध्ये तुरीची एकूण 27 हजार 831 क्विंटल इतकी आवक झाली. यामध्ये जालना बाजारात 9 हजार 836 क्विंटल पांढऱ्या तुरीची सर्वाधिक आवक झाली. त्या ठिकाणी तुरीला किमान 5 हजार 100 ते कमाल 7 हजार 750 रुपये प्रतिक्विंटल बाजारभाव मिळाला. सोलापूर बाजारात आलेल्या काळ्या तुरीला 9 हजार 500 रुपये प्रतिक्विंटल असा आजचा उच्चांकी दर मिळाला. बुधवारी नोंदवलेल्या दरांच्या तुलनेत आज तुरीच्या दरात वाढ झाल्याचे दिसून येत आहे.