नमो शेतकरीसाठी निधी आला, पैसे खात्यात कधी जमा होणार? माहिती आली समोर

याआधी नुकतेच नरेंद्र यांच्या हस्ते पीएम किसान सन्मान निधी योजनेचा २२वा हप्ता वितरित करण्यात आला होता. त्यानंतर राज्यातील शेतकरी नमो शेतकरी योजनेच्या हप्त्याची वाट पाहत होते. आता या प्रतीक्षेला लवकरच पूर्णविराम मिळण्याची शक्यता आहे.

शासनाच्या निर्णयानुसार, ऑगस्ट २०२५ ते नोव्हेंबर २०२५ या कालावधीसाठी असलेल्या आठव्या हप्त्यासाठी सुमारे १ हजार ७७४ कोटी रुपयांचा निधी मंजूर करण्यात आला आहे.

नमो शेतकरी महासन्मान निधी योजनेअंतर्गत राज्यातील शेतकऱ्यांना यापूर्वी पहिला ते सातवा हप्ता यशस्वीपणे वितरित करण्यात आला आहे. या योजनेद्वारे शेतकऱ्यांना नियमित आर्थिक मदत दिली जाते, ज्यामुळे शेतीसाठी लागणारा खर्च भागवण्यास मदत होते. आता आठव्या हप्त्यालाही मंजुरी मिळाल्याने शेतकऱ्यांना मोठा दिलासा मिळणार आहे.

शासनाकडून निधी वितरणाला हिरवा कंदील मिळाल्यामुळे संबंधित यंत्रणा लवकरच पैसे हस्तांतरित करण्याची प्रक्रिया पूर्ण करणार आहे.