दिवाळी संपली! PM Kisan चा २१ वा हप्ता कधी मिळणार? नवीन अपडेट समोर आली

सरकारने जम्मू आणि काश्मीरमधील पूर आणि भूस्खलनग्रस्त शेतकऱ्यांसाठी २१ वा हप्ता आधीच जारी केला आहे. केंद्रीय कृषी आणि शेतकरी कल्याण मंत्री शिवराज सिंह चौहान यांनी ७ ऑक्टोबर रोजी नवी दिल्ली येथून व्हिडिओ कॉन्फरन्सिंगद्वारे हा हप्ता वितरित केला. या वेळी ८.५५ लाख शेतकऱ्यांच्या, त्यात ८५ हजारांहून अधिक महिला शेतकऱ्यांचा समावेश, बँक खात्यात थेट १७१ रु कोटी रुपये जमा करण्यात आले. आतापर्यंत जम्मू-काश्मीरमधील शेतकऱ्यांना पीएम-किसान योजनेअंतर्गत एकूण ४,०५२ रु कोटींचा लाभ मिळाला आहे.

या योजनेअंतर्गत प्रत्येक पात्र शेतकऱ्याला दर चार महिन्यांनी २,००० रु म्हणजेच वर्षभरात एकूण ६,००० रु थेट त्यांच्या बँक खात्यात डीबीटी (Direct Benefit Transfer) द्वारे जमा केले जातात. सध्या ही योजना जगातील सर्वात मोठी थेट लाभ हस्तांतरण योजना म्हणून ओळखली जाते.

शेतकरी pmkisan.gov.in या अधिकृत संकेतस्थळावर ओटीपी-आधारित ई-केवायसी करू शकतात. बायोमेट्रिक ई-केवायसीसाठी जवळच्या सीएससी केंद्राशी संपर्क साधावा.