धाराशिवमध्ये ज्वारी पिकावर लष्करी अळीचा प्रादुर्भाव, पिकाची वाढ खुंटून शेतकऱ्यांचे नुकसान

भूम तालुक्यातील पाथरुड, ईट आंबी परिसरात यावर्षी चांगल्या पर्जन्यमानामुळे जवळपास शेकडो हेक्टर क्षेत्रावर ज्वारी पेरणीचा अंदाज आहे. या भागातील बहुतांश पेरणी झाली असून, अजूनही पेरणीचे काम वापसा येईल त्याप्रमाणे सुरूच आहे. दरम्यान, एकीकडे ज्वारी पेरणी सुरू असतानाच दुसरीकडे सुरुवातीला पेरलेल्या ज्वारीवर घातक अशा अमेरिकन लष्करी अळीचा प्रादुर्भाव दिसू लागल्याने ही अळी ज्वारीचा पोंगाच (शेंडाच) फस्त करीत असून, पिकाची वाढ खुंटून शेतकऱ्यांचे नुकसान होत आहे.