Explainer : सोयाबीनला सोन्याचे दिवस येणार? देशातील साठा, बाजारभावाची काय स्थिती?

मुंबई : देशातील सोयाबीन बाजारपेठेत मोठे बदल घडत आहेत. मागील वर्षभर सोयाबीनचे भाव तुलनेने कमी राहिल्याने वापर वाढला, तर दुसरीकडे यंदा लागवड कमी झाली आहे. त्यातच मुसळधार पावसामुळे महाराष्ट्र, मध्य प्रदेश आणि राजस्थान या प्रमुख उत्पादक राज्यांत सोयाबीन पिकाचे मोठे नुकसान झाले. यामुळे यंदा देशात सोयाबीनचा पुरवठा कमी होणार आहे. जुन्या साठ्याही जवळपास संपलेले असल्याने बाजारपेठेत तुटवडा जाणवू शकतो. या सर्व परिस्थितीचा थेट परिणाम भावावर होणार असून, शेतकऱ्यांना दिलासा मिळण्याची शक्यता आहे.