अतिवृष्टीग्रस्त शेतकऱ्यांना मोठा दिलासा! शासनाकडून पशुधन मदतीची मर्यादा शिथिल

मुंबई : ऑगस्ट आणि सप्टेंबर महिन्यांदरम्यान राज्यातील २८ जिल्ह्यांमध्ये झालेल्या अतिवृष्टीमुळे मोठ्या प्रमाणात पशुधनाचे नुकसान झाले आहे. या काळात लहान-मोठे एकूण ८६७८ पशुधन तसेच १ लाख ६४ हजार ८२४ कोंबड्या मृत झाल्या असल्याची माहिती समोर आली आहे. या सर्व नुकसानग्रस्तांना मदत व पुनर्वसन विभागाद्वारे नुकसान भरपाई देण्याची प्रक्रिया सुरू असून, शासनाने दुधाळ आणि ओढकाम करणाऱ्या पशुधनासाठी असलेली तीन पशुधनांपर्यंतची मर्यादा रद्द केली आहे. त्यामुळे आता तीनपेक्षा अधिक पशुधन मृत झाल्यासदेखील मदत मिळण्याचा मार्ग मोकळा झाला आहे.