तुमचा ट्रॅक्टर काळा धूर मारत असेल तर हलक्यात घेऊ नका! तातडीने हे काम करूनच घ्या,अन्यथा होईल मोठं नुकसान

मुंबई : आधुनिक शेतीमध्ये ट्रॅक्टरशिवाय कामाची कल्पनाही करता येत नाही. नांगरणीपासून पेरणी, फवारणी ते मालवाहतूक अशा प्रत्येक टप्प्यावर ट्रॅक्टर शेतकऱ्यांचा विश्वासू आधार असतो. मात्र अनेकदा ट्रॅक्टरच्या सायलेन्सरमधून जाड काळा धूर निघू लागतो. सुरुवातीला हा प्रकार किरकोळ वाटतो, पण प्रत्यक्षात तो इंजिनमध्ये बिघाड सुरू झाल्याचा गंभीर इशारा असू शकतो. अनेक शेतकरी याकडे दुर्लक्ष करतात, पण ही चूक पुढे मोठ्या खर्चाचे कारण ठरू शकते.