मक्याच्या दरात सुधारणा
राज्याच्या कृषीमार्केटमध्ये आज एकूण 16 हजार 017 क्विंटल मक्याची एकूण आवक झाली. यापैकी जळगाव मार्केटमध्ये 6 हजार 323 क्विंटल लाल मक्याची सर्वाधिक आवक झाली. त्यास प्रतीनुसार कमीत कमी 1375 ते जास्तीत जास्त 1700 रुपये प्रतिक्विंटल बाजार भाव मिळाला. तसेच मुंबई मार्केटमध्ये आवक झालेल्या 216 क्विंटल मक्यास प्रतीनुसार 2800 ते 3500 रुपये सर्वाधिक भाव मिळाला.
advertisement
पुढील 24 तास धोक्याचे, महाराष्ट्रात पुन्हा मुसळधार पाऊस, 31 जिल्ह्यांना अलर्ट
पांढर्या कांद्यास चांगला दर
राज्याच्या मार्केटमध्ये 38 हजार 104 क्विंटल कांद्याची एकूण आवक झाली. यापैकी 9 हजार 246 क्विंटल सर्वाधिक आवक उंचावणे बाजारात झाली. त्यास प्रतीनुसार कमीत कमी 547 ते जास्तीत जास्त 1525 रुपयांपर्यंत बाजार भाव मिळाला. तसेच सोलापूर मार्केटमध्ये आवक झालेल्या 601 क्विंटल पांढर्या कांद्यास प्रतीनुसार कमीत कमी 200 ते जास्तीत जास्त 3500 रुपयांपर्यंत बाजार भाव मिळाला.
सोयाबीन आवकेत मोठी घट
राज्याच्या मार्केटमध्ये 5 हजार 218 क्विंटल सोयाबीनची एकूण आवक झाली. यापैकी यवतमाळ मार्केटमध्ये सर्वाधिक 2 हजार 062 क्विंटल आवक राहिली. त्यास प्रतीनुसार 3166 ते 4088 रुपये प्रतिक्विंटल बाजार भाव मिळाला. तसेच नांदेड मार्केटमध्ये 110 क्विंटल सोयाबीनची आवक होऊन त्यास प्रतीनुसार 3150 ते 4375 रुपये सर्वाधिक बाजारभाव मिळाला.