Vastu Tips: घराच्या आत कधीही असू नयेत अशा 5 गोष्टी; सुख-शांती नांदूच शकत नाही, मनाची-पैशाची गरीबी

न वापरली जाणारी अंगठी-रत्ने - वापरात नसलेली अंगठी कधीही घरात ठेवू नये. त्याचप्रमाणे जे खडे किंवा रत्ने वापरात नाहीत, ती सुद्धा घरात ठेवणे टाळावे. या गोष्टींमुळे घरात नकारात्मकता येऊ शकते. विशेषतः दुसऱ्या कोणाची अंगठी किंवा खडा चुकूनही आपल्या घरात ठेवू नये.

घरातील कोळीष्टके - अनेक घरांमध्ये कोळीष्टके लागलेली दिसतात. वास्तूच्या नियमांनुसार हे अत्यंत अशुभ मानले जाते. घरात कोळीष्टके असल्यामुळे दुर्दैव आणि दारिद्र्याचा वास होतो. त्यामुळे घरात कोळीष्टके होऊ देऊ नका आणि ती दिसताच त्वरित स्वच्छ करा.

advertisement

घरात काटेरी झाडे - घरात कधीही काटेरी झाडे लावू नयेत, विशेषतः घराच्या आत. काटेरी वनस्पतींचा मानवी मानसिकतेवर वाईट परिणाम होतो आणि जीवनातील विविध क्षेत्रांत अडचणींना सामोरे जावे लागते. ही झाडे धनहानीलाही कारणीभूत ठरू शकतात.

रात्री स्वप्नात आलेली मांजर म्हणजे..! कोणाला अशुभ तर कोणाला मिळतात असे शुभ संकेत

देव-देवतांच्या तुटलेल्या मूर्ती - वास्तूच्या नियमांनुसार घरात देव-देवतांच्या तुटलेल्या किंवा खंडित झालेल्या मूर्ती ठेवणे टाळावे. अशा मूर्ती शक्य तितक्या लवकर एखाद्या मंदिरात नेऊन ठेवाव्यात किंवा नदी, तलावात विसर्जित कराव्यात. घरात अशा मूर्ती असणे दुर्दैवाचे लक्षण मानले जाते.

बंद पडलेली घड्याळे - अनेक लोक घड्याळ बंद पडल्यावर किंवा खराब झाल्यावरही ती घरातच ठेवून देतात. वास्तूच्या दृष्टीने हे चुकीचे आहे. बंद पडलेली घड्याळे आपल्या आयुष्यातील प्रगती थांबवू शकतात आणि आर्थिक समस्या निर्माण करू शकतात. त्यामुळे बंद घड्याळात नवीन सेल टाकून ती दुरुस्त करून घ्या किंवा घरातून काढून टाका.

पूर्वमुखी घर का सर्वात शुभ? पण 'वास्तु'चे हे नियम 90% लोक दुर्लक्षित करून चुकतात

(सूचना : येथे दिलेली माहिती ज्योतिषीय ज्ञानावर आधारित आहे. याला कोणताही शास्त्रीय पुरावा नाही. न्यूज 18 मराठी त्याची हमी देत नाही.)