TVS ने जाहीर केलेल्या टीझरमध्ये Jupiter 125 ची फक्त झलक दाखवण्यात आली आहे, ज्यामध्ये त्याची सिंगल-पीस सीट आणि सिंगल-पीस रिअर पिलियन ग्रॅब रेलचा समावेश आहे. १२५ सीसी ज्युपिटरमध्ये गेल्या वर्षी ऑगस्टमध्ये लाँच झालेल्या अपडेटेड ज्युपिटर ११० प्रमाणेच अपडेट्स मिळेल अशी अपेक्षा आहे. पण, नवीन टीव्हीएस ज्युपिटर १२५ सध्याच्या मॉडेलपेक्षा खूपच वेगळी असावी.
advertisement
११० सीसी आणि १२५ सीसी दोन्ही प्रकारांमध्ये उपलब्ध असलेल्या Honda Activa नंतर, TVS Jupiter हा भारतातील सर्वात आवडता स्कूटर ब्रँड आहे, विशेषतः गेल्या वर्षी भारतात Jupiter १२५ लाँच झाल्यानंतर. अपडेटेड टीव्हीएस ज्युपिटर १२५ ची रचना अपडेटेड ज्युपिटर ११० सारखीचं असण्याची शक्यता आहे, जी टीव्हीएस आयक्यूबपासून प्रेरित आहे. नवीन ज्युपिटर १२५ मध्ये समोरील बाजूस क्लस्टरमध्ये एकात्मिक एलईडी इंडिकेटरसह एक आकर्षक एलईडी हेडलाइट बार मिळणार अशी शक्यता आहे. यात पूर्ण एलईडी टेललॅम्प देखील असेल.
नवीन मॉडेल कसं असेल?
अपडेटेड ज्युपिटर १२५ मध्ये पूर्णपणे काळ्या रंगाचे १२-इंच अलॉय व्हील्स, टेलिस्कोपिक फ्रंट फोर्क्स, फ्रंट डिस्क ब्रेक आणि रिअर ड्रम ब्रेक असण्याची शक्यता आहे. ज्युपिटर ११० प्रमाणे, १२५ सीसी व्हेरिएंटमध्ये यूएसबी चार्जिंग पोर्टच्या खाली अतिरिक्त स्टोरेजसाठी २-लिटर ग्लोव्ह कंपार्टमेंट आणि अतिरिक्त सोयीसाठी बाह्य फ्रंट फ्युएल फ्लॅप असेल, ज्यामध्ये फ्युएल टँक फ्लोअरबोर्डखाली असेल.
फिचर्स काय असेल?
TVS ज्युपिटर १२५ मध्ये स्मार्टफोनसह ब्लूटूथ कनेक्टिव्हिटीसह LCD डिजिटल इन्स्ट्रुमेंट क्लस्टर मिळण्याची शक्यता आहे. या कन्सोलमध्ये कॉल आणि एसएमएस अलर्ट, फोनद्वारे स्कूटर शोधण्यासाठी 'फाइंड माय स्कूटर' फीचर आणि व्हॉइस असिस्टन्ससह टर्न-बाय-टर्न नेव्हिगेशनची सुविधा आहे. २०२५ ज्युपिटर १२५ मध्ये कोणताही बदल होणार नाही अशी अपेक्षा आहे. यात १२५ सीसी सिंगल-सिलेंडर इंजिन असेल जे ८ बीएचपी आणि १०.५ एनएम पीक टॉर्क निर्माण करते. अलिकडेच जोडलेल्या आयगो असिस्टमुळे हे आउटपुट ८.४४ बीएचपी आणि ११.१ एनएम पर्यंत वाढते. हे इंजिन CVT ऑटोमॅटिक गिअरबॉक्सशी जोडलेला आहे.