ST Bus : एसटी महामंडळाचा मोठा निर्णय! दिवाळीसाठी पुण्यातून 598 विशेष बस; जाणून घ्या कुठून सुटणार एसटी?

पुणे : दिवाळीचा उत्सव आता अगदी जवळ आला आहे. घराघरांत सणाची लगबग सुरू झाली आहे. दिवाळी म्हटलं की नातेवाईकांना भेटणे आणि आपल्या गावी जाण्याची आतुरता असते. प्रत्येक वर्षीप्रमाणे यंदाही मोठ्या संख्येने नागरिक आपल्या गावी जाण्यासाठी तयारी करत आहेत. पुणे, पिंपरी-चिंचवड परिसरात नोकरी, शिक्षण आणि व्यवसायाच्या निमित्ताने राहणारे अनेकजण दिवाळी साजरी करण्यासाठी आपल्या गावी जातात. मात्र यंदा रेल्वेचे बुकिंग पूर्णपणे फुल झाले असून, प्रवाशांना तिकीट मिळण्यात अडचणी येत आहेत. अशा परिस्थितीत महाराष्ट्र राज्य परिवहन महामंडळाने प्रवाशांना मोठा दिलासा दिला आहे.