Big Breaking : झुबीन गर्ग मृत्यू प्रकरणात नवा ट्विस्ट! पोलीस ऑफिसर असलेल्या भावाला अटक

गायक झुबिन गर्ग यांचं 19 सप्टेंबर 2025 रोजी सिंगापूरमध्ये अचानक निधन झालं. ते म्युझिक इव्हेंटसाठी सिंगापूरला गेले होते. त्यांचे चुलत भाऊ संदीपन गर्ग हे देखील त्यांच्यासोबत उपस्थित होते. या प्रकरणात पोलिसांनी यापूर्वीही काही लोकांना अटक केली आहेत.

( कॅमेऱ्यात कैद झाला झुबीन गर्गचा मृत्यू, क्षणात गेला जीव, कमकुवत हृदयाच्या लोकांनी तर हा VIDEO पाहूच नका )

क्रिमनील इन्व्हेस्टिगेशन डिपार्टमेंट (सीआयडी) झुबिन गर्ग प्रकरणाची चौकशी करत आहे. संदीपन गर्ग यांच्या आधीही गायकाच्या अनेक जवळच्या सहकाऱ्यांची चौकशी करण्यात आली आहे आणि काहींना ताब्यातही घेण्यात आले आहे.

झुबिन गर्गची पत्नी गरिमा सैकिया यांनी अलीकडेच त्यांच्या फेसबुक पेजवर पोस्ट केली होती. या पोस्टमध्ये गरिमा आणि जुबीन यांची बहिण पाल्मे बोरठाकूर यांनी न्यायाची मागणी केली आहे. त्यांनी पोस्टमध्ये लिहिलंय होतं की, "आपण लवकरच पुन्हा एकत्र येऊ, गोल्डी (हे नाव झुबिनला त्याच्या कुटुंबाने दिले होते). पण आता, लवकरच, मला/आम्हाला सर्वांना जाणून घ्यायचे आहे की तू आमच्यापासून का दूर गेलास... का? हा एक मोठा प्रश्न आहे. हा प्रश्न माझ्या मनात दिवसरात्र घुमत राहतो. मला उत्तरे हवी आहेत."