Pune News : पुणेकरांनो लक्ष द्या! दिवाळीत 'या' फटाक्यांवर संपूर्ण बंदी; आदेश मोडल्यास... पुणे पोलिसांचा सज्जड इशारा

ध्वनी मर्यादा:

शाळा, रुग्णालय, न्यायालय, धार्मिक स्थळे किंवा सरकारी कार्यालयांच्या परिसरापासून 100 मीटर अंतरात कोणत्याही प्रकारचे फटाके फोडणे सक्त मनाई आहे. या ठिकाणी फटाके फोडल्यास केवळ दंडच नव्हे, तर गुन्हा दाखल होऊ शकतो.

रस्ते, पूल, घाट, सेतू किंवा सार्वजनिक मार्गांवर फटाके फोडणे बंद असेल. वाहतुकीला अडथळा होईल अशा ठिकाणी किंवा गर्दीच्या भागात फटाके फोडल्यास पोलिस तत्काळ कारवाई करतील. 10 मीटर परिसरात फटाके फोडणे सुद्धा प्रतिबंधित आहे.

पोलिसांनी नागरिकांना आवाहन केले आहे की दिवाळीचा आनंद घेताना पर्यावरणाची काळजी घ्यावी. मुलांना फटाके फोडताना मोठ्यांनी सोबत राहावे तसेच ध्वनी मर्यादा आणि वेळेचे पालन करावे. रात्री उशिरा फटाके फोडल्यास ध्वनी प्रदूषणासोबत वृद्ध आणि रुग्णांना त्रास होतो. पुणे पोलिसांचे म्हणणे आहे की, ''दिवाळी आनंदाची असली तरी ती सुरक्षित आणि शांततेने साजरी होणे अधिक महत्त्वाचे आहे. नियमांचे उल्लंघन करणाऱ्यांवर पर्यावरण कायद्याअंतर्गत कठोर कारवाई करण्यात येईल.''