आवर्तन 2024 मध्ये 250 हून अधिक कॉर्पोरेट्स, 25+ CXOs, आणि 8,000 हून अधिक बी-स्कूल विद्यार्थ्यांचा सहभाग अपेक्षित आहे. हे सत्र विद्यार्थ्यांसाठी एक महत्त्वपूर्ण व्यासपीठ बनणार आहे. त्यामुळे उद्योगाच्या दृष्टीकोनातून ज्ञान आणि करिअरच्या भविष्यासाठी योग्य मार्गदर्शन मिळविण्याची त्यांना सुवर्णसंधी असणार आहे. आयआयएम मुंबईचे संचालक प्रा. मनोज कुमार तिवारी यांनी याबाबत माहिती दिलीये.
advertisement
वयम् मोठम् खोटम्... तरुणांनाही लाजवेल अशी पुणेकर महिलेची कामगिरी, माउंट एव्हरेस्टची EBC मोहीम फत्ते
"आम्हाला अतिशय अभिमान वाटतो की, आम्ही आईआईएम मुंबई प्रेरणा इंटरनॅशनल बिझनेस कॉन्क्लेव्हची पाचवी आवृत्ती सादर करत आहोत, जी आवर्तन 2024 च्या बॅनरखाली आयोजित केली जात आहे. आवर्तन हे शिक्षण, सहयोग आणि वृद्धीसाठी एक प्रमुख व्यासपीठ बनत आहे, जिथे विद्यार्थ्यांना उद्योगाच्या नेत्यांशी संवाद साधण्याची आणि आपल्या करिअरला आकार देण्याची संधी मिळेल," असे प्रा. मनोज कुमार तिवारी म्हणाले. आवर्तन हे देशातील एक प्रमुख वार्षिक व्यवसाय महोत्सव बनला आहे. या कार्यक्रमामध्ये कॉन्क्लेव्ह, व्यवसाय बैठक आणि स्पर्धांचा समावेश आहे. विद्यार्थ्यांना सतत बदलणाऱ्या बाजारपेठेतील नवीनतम ट्रेंड्स आणि विकसित होणाऱ्या तंत्रज्ञानांबद्दल माहिती देण्याचं काम या माध्यमातून होत आहे.
प्रमुख कार्यक्रम आणि सत्र
मुख्य वक्ते आणि कॉन्क्लेव्ह:
सस्टेनेबिलिटी कॉन्क्लेव्ह (9 डिसेंबर): JSW सिमेंटच्या मनोज कुमार रस्तोगी, PI इंडस्ट्रिजच्या अक्षिता शुक्ला, UPL च्या डॉ. मृणाल जय चौबे यांसारख्या तज्ञांची उपस्थिती.
पुरवठा साखळी व्यवस्थापन कॉन्क्लेव्ह (9 डिसेंबर): स्केचर्सच्या दीपक वझिरानी आणि DHL च्या आलोक कुमार यांचे विचार.
वित्त कॉन्क्लेव्ह (12 डिसेंबर): मोतीलाल ओसवालच्या रामदेव अग्रवाल आणि मोतीलाल ओसवाल फायनान्स सर्व्हिसेसच्या मोतीलाल ओसवाल यांचे मार्गदर्शन.
मायक्रो-बिजनेस आणि विपणन कॉन्क्लेव्ह (10 डिसेंबर): NSE इंडियाच्या अरिजीत सेनगुप्ता आणि Motilal Oswal Asset Management च्या राहुल आदानिया यांचे सत्र.
सलाईन संपल्यावर नर्सला शोधायची गरज नाही! आता आपोआप जाणार कॉल, विद्यार्थ्यांनी बनवलं अनोखं उपकरण
विशेष सत्र:
पिचक्राफ्ट (11 डिसेंबर): उद्योजकांसाठी सादरीकरण आणि गुंतवणूकदारांची मुलाखत.
CXO कनेक्ट (10 डिसेंबर): Godrej Industries च्या विशाल शर्मा आणि Reliance FMCG च्या अमेर हुसैन यांच्यासह सीएक्सओसह संवाद.
अद्वितीय सन्मान:
लक्ष्विज बिझनेस व्हिजनरी पुरस्कार (10 डिसेंबर): मोटिलाल ओसवाल आणि रामदेव अग्रवाल यांना सन्मानित केले जाईल.
प्रेरणा जनरल क्विझ (11 डिसेंबर): विद्यार्थ्यांसाठी एक आव्हानात्मक बिझनेस क्विझ स्पर्धा.
कार्यशाळा:
Ekatva-ADEI कार्यशाळा (10 डिसेंबर): तंत्रज्ञान आणि सामाजिक समावेशन यावर कार्यशाळा.
निवेशक जागरुकता कार्यक्रम (10 आणि 11 डिसेंबर): विद्यार्थ्यांना वित्तीय साक्षरतेविषयी मार्गदर्शन देणारा कार्यक्रम.
आवर्तन 2024 नेहमीच IIM मुंबईच्या ज्ञान-चालित उत्पादकतेच्या दृष्टीकोनाचे प्रतिबिंब असतो. यंदाच्या आवृत्तीत विद्यार्थ्यांना व्यवसाय, तंत्रज्ञान आणि कौशल्यांच्या बाबतीत आंतरराष्ट्रीय पातळीवर संवाद साधण्याची आणि शिकण्याची उत्तम संधी मिळेल. अधिक माहिती आणि नोंदणीसाठी IIM मुंबई अधिकृत वेबसाईट पाहा.