संकेत यांचा प्रवास अत्यंत प्रेरणादायी आहे. मुंबई येथे शिक्षण पूर्ण केल्यानंतर त्यांनी नामांकित आयटी कंपनीमध्ये दोन वर्षे काम केले. नोकरी करत असतानाच त्यांनी महाराष्ट्र लोकसेवा आयोगाच्या (MPSC) परीक्षेची तयारी सुरू केली आणि त्यानंतर नोकरी सोडून UPSC कडे आपला प्रवास वळवला.
Business Story : तुम्हाला माहितीही नसेल हा बिझनेस, सोलापूरचा तरुण करतोय लाखात कमाई!
advertisement
घरातूनच अधिकारी होण्याची प्रेरणा मिळालेली असल्याने कधीही हार न मानता सातत्याने अभ्यास करत राहिले. त्यांचे काका पोलीस अधिकारी असल्यामुळे त्यांच्याकडूनच त्यांना या क्षेत्राची ओळख आणि प्रेरणा मिळाली.पाच वर्षाच्या सातत्यपूर्ण अभ्यासानंतर त्यांनी यूपीएससी परीक्षेत हे यश मिळवले आहे. त्यांनी दररोज 8 ते 9 तास नियमित आणि प्रभावी पद्धतीने अभ्यास केला. स्वतःची अभ्यासपद्धती तयार करत, आपली ताकद ओळखून नियोजनबद्ध अभ्यासावर भर दिला.
यश मिळवायचं असेल तर स्वःताची क्षमता ओळखा, योग्य स्टॅटर्जी ठरवा आणि चिकाटीने अभ्यास करा. प्रयत्नांची पराकाष्ठा आणि सकारात्मक दृष्टिकोनामुळे यश निश्चितच मिळते, असं संकेत शिंगटे सांगतात. त्यांच्या या यशामुळे साताऱ्याचा अभिमान उंचावला आहे.